Mairbek Vachagáev, Jamestown Foundation
Les principales causes pal éxodu masivu de rusos étnicos y non-étnicos del Cáucasu Norte fueron les dos guerres de Chechenia y la resultante inestabilidá política y económica.
La salida de los rusos étnicos fuera ampliamente documentada lo mesmo n’artículos académicos que n’otros más politizaos. Por embargu, la población llocal del Cáucasu Norte tamién abandonó la rexón en grandes cantidaes.
Kavkaz Center
A primeros d’esti branu, la sede n’Ankara de la Compañía azerbayana Penta, dirixía por Suveysh Mammadzade, entamó a contratar obreros pa la construcción de dellos edificios en Chechenia. Casi 480 trabayadores fueron contrataos y unviaos a Grozni, Gudermes y Argún, sigún informaron nun principiu axencies turques de noticies y más alantre’l portal rusu Regmun citando fontes turques.
Al empezar el so segundu mes de trabayu, los trabayadores turcos dexaron de recibir el so salariu. Dos meses dempués, los trabayadores anunciaron que pararíen el tayu si nun recibíen los salarios alcordaos. Dempués d’esti anunciu, guardies armaos empezaron a menaciar a los obreros y-yos prohibieron abandonar los sos puestos de trabayu. La situación nun sufrió cambios dende aquel momentu.
EDWARD WONG, The New York Times
El comité chinu que otorgó’l Premiu Confucio de la Paz d’esti añu nun s’andó con rodeos a la hora d’afalagar al ganador, Vladimir V. Putin, primer ministru de Rusia. Tolo contrario, eloxó la so decisión d’embarcase na guerra en Chechenia en 1999.
“La mano de fierru y la dureza que reveló nesta guerra impresionó a los rusos enormemente, y tresmitió la so capacidá de conferir seguridá y estabilidá a Rusia,” reza una versión inglesa de la declaración del comité. “Convirtióse nel antiterrorista nº 1 y l’héroe nacional”.
Caucasian Knot
El Tribunal Europeu de Derechos Humanos (TEDH) almitió la denuncia interpuesta por Gizhan Sambieva, residente en Chechenia y madre de Said-Emin Sambiev, que desapaeció y foi asesináu en 2003. El TEDH condergó a la Federación Rusa a paga-y una compensación.
Gizhan Sambieva afirma que en 2003 el so fíu foi secuestráu y dempués asesináu por militares rusos. Sambiev trabayaba nel serviciu de seguridá del Presidente chechenu. El 13 d’Agostu d’aquel añu conducía un taxi nel que diba acompañáu del so compañeru y foi obligáu a parar nel distritu de Vedeno por un grupu de soldaos, que lu treslladaron a la base del reximientu de paracaidistes.
Escrito por Ricard San Vicente, profesor de Lliteratura rusa na Universidá de Barcelona
Una nueche d’inviernu alcuéntranse, debaxo d’un árbol, un home con poca ropa y un paxarín. Fae un fríu glacial y cuando dambos perciben la llegada de la muerte, el paxarín diríxese a la nueche diciéndo-y: “Ensin dulda, nosotros agora vamos morir. Pero ¿y tú? ¿Cómo vas quedar sola con esti fríu tan terrible?”
(Lleenda chechena)
La primer imaxen que xurde del Cáucasu ye la so arguyosa e imponente verticalidá, enfrentada a la llánguida y paciente horizontalidá de la estepa, que ye d’donde lleguen los rusos que se topen col espectáculu de les cumbres nevaes de les montañes. Esta idea domina l’imaxinario rusu (y, supongo, tamién del restu de los pueblos de les estepes que lleguen d’Oriente y s’alcuentren col imponente cordal). Y quizá seya ésta una de les razones pola cual dende tiempu inmemorable munchos pueblos, siguiendo’l cursu del sol nel so peregrinaxe, pararon nos valles protectores d’eses montañes. Asina se crea la idea de la paciencia y la servitú de los rusos, que lo ganen too pola inmensidá de la so inagotable planicie, énte l’espíritu indomable y llibre de los caucásicos, tamién llamaos “górtsi”, ye dicir, homes de les montañes.
Marie Jego, pa Le Temps y Worldcrunch
Pesie a los sos 250.000 habitantes, la capital chechena ye una ciudá fantasma. Nun hai nin un alma nes cais, tampoco coches. “Has tener un permisu especial pa poder movete” afirma un policía. L’únicu movimientu vése na avenida contigua a la mezquita: un grupu de muyeres con chaquetes naranxes mueve les sos escobes en mediu d’una nube de polvu. Toles cais del centru la ciudá tan bloqueaes, y hai homes armaos en toles esquines. ¿Tá preparándose la ciudá pa la guerra? ¿tá n’estáu d’emerxencia?
De repente, el soníu d’un motor rompe’l silenciu. “Ye él”. Estes pallabres empiecen a espardise rápido nel patiu de la mezquita, onde hai esperando un grupu de creyentes, guardies y periodistes. Cuando’l Mercedes negru aparca, toos ellos van como una estampida hacia les sos llunes tintaes. Apéase un home rechonchu: Ramzan Kadyrov, el llíder chechenu, tá ahí pa cellebrar el so 35º cumpleaños al so estilu.
asturieschechenia 