CONDERGUEN A RUSIA A INDEMNIZAR A UNA FAMILIA CHECHENA

25 07 2009

RIA NOVOSTI

El Tribunal Européu de Drechos Humanos condergó’l pasáu xueves a Rusia a indemizar con 37.000 euros a los familiares d’un chechenu que foi secuestráu en 2001.

La familia de Khizir Tepsurkayev, secuestráu n’Urus Martan en 2001, denunció los fechos delles vegaes énte los tribunales rusos antes de poner una denuncia nel Tribunal d’Estrasburgu acusando a Rusia de nun llevar a cabu una investigación efectiva p’atopar a los culpables.

Read the rest of this entry »





Chechenia o el silenciu nel imperio del terror

23 07 2009

Grozni trae a la mente destrucción y masacres pero anguañu’tis quiciabis una de les ciudaes más guapes de la Federación Rusa, con munches obres en marcha y soleaes aveníes con bellos edificios. Los pocos que s’animen a falar con un periodista estranxeru refuercen esta imaxen oficial. Nin la más mínima crítica,’til que ún allónxase de la cai y s’alcuentra cola Chechenia real.

Urtzi URRUTIKOETXEA, GARA

Nun’tis fácil intentar perpasar el llímite d’una población aterrorizada que nun gana nada y tién muncho que perder falando con periodistes estranxeros. Na sede de Memorial preséntase un home al que l’enfadu impidi-y callar. Son los propios miembros d’esta organización de drechos humanos los que-y alvierten de les consecuencies y dirixen la conversación pola senda’l anonimatu. Diremos que l’home, d’unos cincuenta años, llegó del pueblu de Shali, onde acaba tener llugar una zachistka (operación especial). L’home nun se quexa de que los kadirovtsi, los homes armaos del presidente, entregáran-yos el cuerpu torturáu del su sobrín, supuestamente miembru de la guerrilla. Asume la retórica del gobiernu, repetía durante estos díes por Ramzan Kadirov: «Nun vamos garrar prisioneros, vamos destruilos. Mientres esistan, habrá sangre». La quexa de Zurab (nome ficticiu)’tis que dempués d’entregar el calabre del supuestu militante los kadirovtsi dieron-y una paliza al su pá: «¿Qué culpa tinía’l mio hermanu?».

Read the rest of this entry »





MEMORIAL SUSPENDE LA SU ACTIVIDÁ EN CHECHENIA

19 07 2009

Caucasian Knot

La organización en defensa de los drechos humanos Memoria va suspender la su actividá en Chechenia tres el secuestru y asesinatu de la su miembro Natalia Estemoriva.

Sigún afirmó güei Alexander Cherkasov, miembru del Comité Executivu de Memorial, “sabiendo que lo que facemos puede suponer un peligru mortal pa la nuesa xente, nun podemos correr esi riesgu”. Cherkasov nun especificó cuántu tiempu va prolongase esta suspensión, pero afirmó que la decisión tá rellacionada, ente otres coses, cola consternación pola muerte de Natalia Estemirova, miembru de Memorial, sigún informa l’Axencia Interfax.

Read the rest of this entry »





MENACIEN CON DEPORTAR DENDE FRANCIA A UN CHECHENU SOLICITANTE D’ASILU

18 07 2009

El pasáu día 7 Anzor Umakhanov, un chechenu que solicitó asilu, foi arrestáu en Francia y anguaño tá menaciáu con ser deportáu a Rusia.

Anzor Umakhanov, nacíu en 1977, y la su familia vivién en Khasavyurt, una ciudá de Daguestán. Ayudaben a families qu’escapaben del conflictu en Chechenia y tamién a guerrilleros chechenos dándo-yos abellugu. Anzor foi arrestáu pola policía en Daguestán por ayudar a los guerrilleros y foi torturáu. Dempués de la su puesta en llibertá, Anzor y la su familia viaxaron a Francia, onde pidieron asilu en 2004. La su petición foi refugada y Anzor foi arrestáu el pasáu 7 de Xunetu. Sigún delles fontes, les autoridaes franceses entamaron el procedimientu pa deportalu a Rusia.

Read the rest of this entry »





EL TRIBUNAL D’ESTRASBURGU CONDENA A RUSIA A INDEMNIZAR A UNA FAMILIA CHECHENA

18 07 2009

RIA Novosti

El Tribunal Européu de Drechos Humanos condergó esti xueves a Rusia a pagar 50.000 euros d’indemnización a los familiares d’un chechenu secuestráu en 2003.

Los familiares d’Arbi Karimov, secuestráu cerca de Grozni en 2003, acudieron a los tribunales rusos delles vegaes antes d’interponer una denuncia énte’l Tribunal Européu de Drechos Humanos acusando a Rusia de nun llevar a cabu una investigación efectiva p’alcontrar a los culpables.

Read the rest of this entry »





MEMORIAL ACUSA A KADYROV DE TAR TRES L’ASESINATU DE NATALIA ESTEMIROVA

17 07 2009

Comunicáu de Memorial

Güei asesinaron a la nuesa collacia y colega, una persona percercana.

Durante casi 10 años Natasha trabayó pa Memorial nel Cáucasu Norte, centrándose especialmente en Chechenia. Natasha nun se dedicaba sólo a recoyer información’bout violaciones de los drechos humanos na zona: yéra una Activista con mayúscules, una gran defensora del Pueblu. Mientres los habitantes de Chechenia se convertíen en víctimes de bombardeos, de “llimpieces”, de secuestros y tortures, Natasha intentaba ayudalos a toos. Desixía un imposible a les autoridaes: acabar cola impunidá. De xemes en cuando consiguíalo. Sentise segura de los sus razonamientos y del drechu que la amparaba-y daba fuercies. Esti trabayu fizo que Natasha’twere conocía en toa Chechenia. Atraía a la xente que buscaba protección, anque’twere pa intentar que la impunidá nun quedare silenciada.

Read the rest of this entry »





TOPEN MUERTA A L’ACTIVISTA RUSA SECUESTRADA

17 07 2009

Mike Eckel, p’Associated Press (AP)

Una conocía activista rusa que investigaba secuestros, asesinatos y otres violaciones de los Drechos Humanos foi alcontrada muerta esti miércoles, hores dempués de ser secuestrada na capital chechena, sigún informaron fuentes policiales y de la su organización.

El cuerpu de Natalya Estemirova apaeció n’Inguxetia, república asitiada al oeste de Chechenia, informó Oleg Orlov, cabezaleru de Memorial, la su organización, a Associated Press. El cuerpu tenía dos feríes de bala na tiesta y foi atopáu non mui lloñe de la principal ciudá ingux, Nazrán, afirmó la vocera del Ministeriu del Interior d’Inguxetia, Madina Khadziyeva.

Read the rest of this entry »