Chechenia: mozos desapaecíos atopaos muertos

20 01 2012

Memorial

El 24 de xunu pasáu 3 habitantes de la República Chechena fueron secuestraos na ciudá de Gudermés.

El día’l secuestru, los tres mozos (Alí Aidamirov, Jalid Dudáyev e Israil Adizov) pasaron tol día nel parque acuáticu. Pela tarde, cuando salieron y mientres taben esperando a un collaciu que diba recoyelos, miembros de los órganos de seguridá paráronlos y-yos pidieron la documentación. Alí y Jalid nun llevaben el pasaporte consigo. Los axentes desixéron-yos entos a los tres mozos que los acompañaren. Read the rest of this entry »

Advertisements




L’asaltu d’Añu Nuevu a Grozni

7 01 2012

I. Said, Kavkaz Center

A primer hora de la mañana del 31 d’Avientu de 1994, unidaes blindaes ruses empezaron un asaltu a la capital chechena. Unos 90.000 miembros de les fuercies agresores, apoyaos por 6.000 pieces lixeres y pesaes d’armamentu militar, artillería, llanzamisiles y otres armes y equipamientu menor, entraron en Grozni dende 3 llaos baxo una permamente cobertura aérea y masivos ataques aéreos.

Siguiendo les órdenes del Mandu militar chechenu, dexóse pasar a los vehículos militares rusos, lo mesmo que pasara nel asaltu a Grozni peles fuercies de la oposición pro-rusa del 26 d’Ochobre de 1994, pa que llegaren al centru la ciudá. Dempués tuvo llugar el famosu contraataque chechenu. Nun sólu día, los destacamentos armaos rusos y l’equipamientu militar fueron destruyíos. Read the rest of this entry »





El compromisu con Chechenia del ciruxanu Khassan Baíev

2 01 2012

Escrito por Montserrat Domènech, traductora e intérprete de rusu

Khassan Baíev’tis un ciruxanu chechenu que decidió quedar na so tierra natal mientres les dos guerras que l’asolaron, cola fin d’ayudar a les víctimas del conflictu. Escribió les sos memories nun llibru que yá foi traducíu a dellos idiomes, El xuramentu. Agora volvió a Chechenia p’ayudar a los más vulnerables, los neños.

Khassan Baíev nació nel añu 1963 nel pueblu d’Aljan-Kala, allugáu a 10 km de Grozni, la capital de la República de Chechenia. Estudió y llicencióse en medicina na Universidá de Krasnoyarsk, en Siberia. Mientres estudiaba, practicaba dos modalidaes d’artes marciales a mui altu nivel, el judo y el sambo, convirtiéndose en deportista d’alta competición. Nunca pudiera imaxinar que, unos años más tarde, diba exercer la so profesión nunes condiciones tan estremes y nunes circunstancies tan dramátiques pal pueblu chechenu: les dos guerres ruso-chechenes ente los años 1994-1996 y 1999-2004. La preparación física y mental que-y proporcionó’l deporte contribuyó, en buena parte, a soportar seis llargos y terribles años, como él mesmu manifestó. Read the rest of this entry »





AMENAZÁU DE DEPORTACIÓN UN CHECHENU RESIDENTE EN CROACIA

2 01 2012

Nadezhda Banchik, chechencenter.info

Aslan Kagermanov tién asilu n’Austria. Por embargu, al viaxar a Croacia por motivos personales foi arrestáu nesi país y lleváu a unes dependencies nes que tán recluíes persones a la espera de ser deportaes. Antiguu combatiente pola independencia, marchó de Chechenia en 2005. Por embargu, les autoridaes ruses espidieron una orden internacional de detención contra Aslan, baxo l’acusación de matar supuestamente a un axente de policía. De fechu, durante la guerra, mátense policíes y militares de continuo. La guerra’tis la guerra. Los soldaos rusos, con bombardeos aéreos, fueu d’artillería y tou tipu d’armes modernes, mataron a munchos más chechenos que los enemigos rusos que mataron los combatientes chechenos. Poro, esti tipu d’órdenes d’arrestu son inxustes n’esencia.

Amás, lo que-y espera a esti probe chechenu en casu de ser deportáu a Rusia’tis una tortura inimaxinable, llargos años d’encarcelamientu en condiciones asemeyaes a los campos de concentración de Hitler y, posiblemente, la muerte baxo custodia. Y esto’tis’cause los chechenos en Rusian reciben un tratu horriblemente discriminatoriu. A aquellos chechenos que llucharon na guerra se-yos etiqueta como delincuentes, y non como prisioneros de guerra. Read the rest of this entry »