NAIDE NUN RESPONDE POLOS CRÍMENES EN CHECHENIA

30 05 2012

Vakha Ibalayev

Vecín de l’antigua llocalidá de Kharsenoi

En 1995, durante la “Primer guerra ruso-chechena”, y tres un ataque aéreu, perdí a dos de les mies fíes, una d’elles de 7 años d’edá y la otra de 14 años. Esta traxedia tuvo llugar en Mayu de 1995, na llocalidá de Kharsenoi, nel distritu de Shatoi, onde vivíemos como refuxaos.

El 12 de Mayu de 1995 el nuesu pueblu foi bombardeáu. Los trabayadores que reparaben la carretera que llega al pueblu fueron oxetivu del ataque. Dos mozos morrieron. Dempués supimos que había abiertu un corredor pa la xente que quinxere abandonar Grozni. Por embargu, namás yéra posible movese de nueche, ensin lluces, yá que los coches taben espuestos a los tiroteos, ataques con cohetes y bombardeos. Enantes d’esto, los aviones de combate disparaben a casi cualesquier vehículu, independientemente de que dientro d’estos hubiere muyeres, neños o ancianos. Y yéren estes persones les que taban escapando de la zona de guerra. Read the rest of this entry »

Advertisements




LA GUERRA EN CHECHENIA CAUSÓ UN AUMENTU DE LOS CASOS DE CÁNCER

14 05 2012

Michael Capobianco, www.waynakh.com

La edición rusa de la BBC acaba d’asoleyar un informe especial’bout l’aumentu de los casos de cáncer na República de Chechenia.

Sigún l’informe, los médicos en Chechenia tán llamando l’atención’bout esti tema: el desfavorable ambiente y el estrés post-bélicu tán llevando a un fuerte incrementu nel númberu de casos de cáncer. El despunte na incidencia nun tá viéndose namás na xente de más edá, sinon que tá detectándose, ca vegada con más frecuencia, ente los adolescentes y la xente mozo d’ente 25 y 30 años. Anguañu tán rexistraos más de 16.000 pacientes con delles formes de cáncer, y cada añu esta cifra increméntase nunes 3.500 persones. Estes cifres podríen nun ser les reales, a causa de la falta d’instalaciones médiques en Chechenia. Munchos pacientes van a Rusia u otros países pa facese exámenes médicos y recibir tratamientu. Por esto razón,’tis imposible rexistrar estos casos. El cáncer’tis una de les principales causes de muertes na Federación Rusa. La principal razón d’ello’tis que los pacientes acuden al médicu cuando’l cáncer yá tá bastante avanzáu.

Los doctores ven delles razones pal aumentu nel númberu de casos de cáncer. Una de les principales causes’tis la desastrosa situación medioambiental en dalgunes partes de Chechenia. Sigún los datos que se manexen, compilaos en diferentes etapes pola empresa americana Tetra Tech, casi una tercer parte del territoriu chechenu puede calificase, a nivel ecolóxicu, de zona catastrófica, con más d’un 40% de los recursos acuáticos contaminaos d’una u otra manera, con un riesgu altísimu de xurdimientu d’enfermades epidémiques. Amás de los aspectos xenerales rellacionaos cola ecoloxía d’otres antigues repúbliques y rexones soviétiques, en Chechenia esisten otros factores específicos. Read the rest of this entry »





UNA ESCUELA FRANCESA RECHAZA A ESTUDIANTES CHECHENOS

10 05 2012

El diariu francés Le Monde informó que 21 neños chechenos, solicitantes d’asilu toos ellos, con edaes ente los 3 y los 11 años, vieron rechazada la so solicitú de matriculación na escuela d’una pequeña llocalidá cercana a la llocalidá de París.

Sigún esta información, estos neños tán sufriendo bastantes dificultaes por ser asilos políticos. Lleven soñando con tar na escuela dende que llegaron a París, ente Mayu y Setiembre de 2011. Por embargu, han pasar los sos díes nun de los hoteles “low-cost” de la llocalidá. A los sos padres denegáron-yos un sitiu nel albergue llocal, que tá ocupáu al completu y nun puede acoyer a estes persones. Asina, a les 8:15 de la mañana del pasáu 3 de Mayu, grupos pro derechos humanos como Amnistía Internacional, la Lliga francesa polos Derechos Humanos, y Educación ensin Fronteres, organizaron una protesta delantre de la Escuela Primaria Claudine Fabrici de la llocalidá de Rubelles, de 1.900 habitantes. Unes 50 persones, ente les que taben los padres de los neños chechenos, aconceyaron nel actu y protestaron poles ridícules afirmaciones de que nun hai espaciu p’acoyer a los 21 neños chechenos e ingushetios. Los manifestantes calificaron los fechos de “discriminación manifiesta”. Read the rest of this entry »