Francia va estraditar a Rusia a un refuxáu chechenu

23 01 2013

Michael Capobianco, Waynakh Online

Fontes llocales informen de l’alarmante situación a la que s’enfrenta una familia chechena residente en Francia.

Sigún les informaciones recibíes por esti mediu, B.D., un chechenu solicitante d’asilu y nacíu en Mayu de 1979, foi arrestáu na ciudá de Quimper, Francia, el pasáu 15 de Xineru. Pasó la nueche en calabozos y al día siguiente foi treslladáu al centru de detención de Rennes, dende onde va ser estraditáu a la Federación Rusa. Read the rest of this entry »





Concentración en Segré (Francia) n’apoyu a una familia chechena

23 01 2013

Michael Capobianco, Waynakh Online

El diariu rexonal francés Ouest-France informó que unes 100 persones aconceyaron na ciudá de Segré n’apoyu a una familia de chechenos solicitantes d’asilu, y que agora vése amenazada con ser espulsada de Francia. Read the rest of this entry »





Un tribunal suecu cierra un casu contra un refuxáu chechenu por secuestru

19 01 2013

Michael Capobianco, Waynakh Online

El periódicu rusu Kommersant informó que la fiscalía sueca tá acabante de cerrar una causa xudicial, abierta fae más de 6 años, contra un refuxáu chechenu que taba acusáu de secuestrar a un fotógrafu rusu. Read the rest of this entry »





Refuxaos chechenos en Turquía soliciten ayuda

16 01 2013

Michael Capobianco, Waynakh Online

Waynakh Online recibió un corréu llectrónicu informando de que la situación de los solicitantes d’asilu chechenos en Turqía resituaos tá empeorando.

Los soicitantes chechenos d’asilu que tán viviendo en pisos cedíos pol gobiernu turcu afirmen que les coses que-yos prometieren nun tán siendo concedíes que les persones solidaries nun pueden ver la so situación porque la so nueva ubicación ye mui apartada. Read the rest of this entry »





Amenaza de deportación a un deportista chechenu residente n’Austria

14 01 2013

Waynakh Online

El serviciu públicu nacional austriacu de radiodifusión ORF informó que un mozu chechenu, que foi campeón de taekwondo, tá amenazáu con ser deportáu d’Austria.

Sigún eses informaciones, el mozu de 20 años d’edá Yunadi Sugaipov emigró en 2010 dende Chechenia al valle austriacu de Gasteain, a causa de l’actual situación de guerra y represión. Tiempu dempués solicitó l’asilu políticu, pero esta petición foi denegada poles autoridaes austriaques, pesie al fechu de que ye campeón austriacu de taekwondo na categoría de menos de 68 kilos. Tamién ye entrenador de neños nel so equipu y tola xente del so club confía muncho nes sos habilidaes, yá que Yunadi algamó importantes oxetivos deportivos. Yunadi afirmó que “quiero dir al Campeonatu européu, y si pudiere tamién al Campeonatu mundial, pero eso por supuesto namás puedo consiguilo si me dexen quedar equí”. Read the rest of this entry »





Noruega amenaza con deportar a una familia chechena

2 01 2013

theforeigner.no

Les autoridaes noruegues d’inmigración van mandar de vuelta pa Chechenia a una familia con 6 miembros, ente ellos una neña que nació’l día d’Añu Nuevu.

Liza Ozdoeva y el so esposu, Alkhazur Mezhiev, tuvieron a una neña, Madina, nes primeres hores de 2013. La pequeña nació nel hospital de Kristiansand, al sur de Noruega.

Madina tién 3 hermanes mayores, de 6, 4 y 2 años y mediu d’edá, sigún informa’l periódicu llocal Fedrelandsvennen. Read the rest of this entry »





El Tribunal Européu de Derechos Humanos critica a Rusia pola non-investigación sistémica de les desapaiciones en Chechenia

23 12 2012

Russian Justice Initiative

El Tribunal Européu de Derechos Humanos consideró a Rusia responsable de la desapaición d’ocho homes en Chechenia entre 2002-2004 y, por primer vegada nuna de les sos sentencies sobre Chechenia, declaró’l fracasu de Rusia pa investigar de forma efectiva les desapaiciones como un problema sistémicu que requier una solución urxente nel ámbitu internu.

Los demandantes nel casu Aslajánova y otros contra Rusia son los parientes cercanos docho homes desapaecíos de cinco families distintes que fueron secuestraos y posteriormente desapaecieron. El tribunal consideró que la responsabilidá de cada desapaición forzada ye de les autoridaes ruses, concretamente de soldaos del exércitu. D’otra parte, el Tribunal consideró que les autoridaes ruses nun llevaren a cau investigaciones que conduxeren a la identificación y sanción de los responsables de les desapaiciones, y concluyó que dalgunos familiares de los homes desaparecíos fueron sometíos a tratos inhumanos y degradantes a causa de la forma na que les autoridaes manexarenles sos peticiones pa investigar la desapaición de los sos parientes. Read the rest of this entry »





Muyeres chechenes organicen una manifestación en Grozni

12 12 2012

Vainakh Online

Fontes llocales informaron de que alredor de 200 muyeres chechenes reuniéronse na capital chechena, Grozni, en protesta pol silenciu y la inacción de les autoridaes respecto a los sos familiares desapaecíos.

La protesta tuvo organizada por una ONG llocal chechena, “Madres de Chechenia”. L’eventu taba programáu pal 25 de payares, pero finalmente algamó’l permisu pa cellebrar l’actu el 29 de payares. Read the rest of this entry »





Los convidaos tímidos de Kadírov

4 11 2012

Elena Miláshina, Novaia Gazeta

La selmana pasada el tribunal de la ciudá d’Esentuki desestimó la querella d’Igor Kalyapin, Presidente de la organización de derechos humanos “Comité contra la Tortura”. Kalyapin interpusiera una querella contra la inoperancia del Ministeriu del Interior y de la Comisión Investigadora de la Federación Rusa que, de forma improcedente dafechu, allarguen la investigación del secuestru y detención illegal d’Islam Umarpashaev pela parte de les fuerces de seguridá chechenes.

La decisión del xuez del Tribunal conclúi que la investigación retrasóse “pola especial complexidá del casu, asina como poles particularidaes específiques del suxetu de la Federación Rusa onde tuvieron llugar los fechos, Chechenia”. Ye decir, que’l Tribunal d’Esentuki reconoz formalmente que Chechenia ye un “suxetu particular” de la Federación Rusa. Por “particular” ha entendese, nesti contextu, un réximen únicu d’inmunidá xudicial pa los axentes de la policía chechena que cometen delitos graves de secuestru y asesinatu. Read the rest of this entry »





Independencia, el suañu fechu cachinos

9 10 2012

Dende que l’Imperiu Rusu conquistó Chechenia nel s. XIX, ésta intentó independizase en delles ocasiones. La última d’elles, en 1991. ¿Cómo se xestó’l procesu d’independencia de Chechenia, cómo se llevó alantre’l procesu políticu que la fizo posible y por qué motivos ésta vióse abocada al fracasu?

La conquista rusa del Cáucasu

Chechenia, como’l restu’l Cáucasu, foi ocupada militarmente por Rusia a mediaos del s. XIX, tres una sangrina guerra que se prolongó durante casi un sieglu. Dende 1859 el territoriu chechenu pasó a ser una colonia periférica del Imperiu Rusu nel que se impunxeron condiciones de vida draconianes pa la población autóctona. Read the rest of this entry »