La mocedá de Putin abandona’l ñeru

21 12 2011

Andrei Soldatov e Irina Borogan

Durante años, un pactu de llealtá a cambiu de rublos afaló’l crecimientu d’una clase media apolítica ca vegada más numberosa en Rusia. El pasáu sábadu, esta clase media revolvióse contra’l so creador, anque tá lloñe tovía d’unise alrodiu d’un únicu candidatu opositor, sigún la opinión d’Irina Borogan y Andrei Soldatov.

El pasáu sábadu, por primer vegada nesti sieglu, fuimos testigos d’una clase media rusa que nun taba nos Cafés o nos Restaurantes familiares onde solíen pasar los fines de selmana, sinon nes places, con pancartes y consignes. Por supuesto, ente la multitú que taba na Plaza Bolotnaya había anarquistes radicales, activistes polos derechos humanos y periodistes -toes eses persones que acudíen a les manifestaciones y marches de la disidencia toos estos años d’atrás, anque nun solíen llegar a los dos millares nes meyores ocasiones-. Pero ésta vegada quedaron difuminaes ente la multitú de cares nueves dafechu, la mayoría de les cuales taba na Plaza por primer vegada nes sos vides, y el restu que probablemente escaecieren yá la última vegada que participaren nuna manifestación de protesta.

Read the rest of this entry »

Advertisements




Rusia se despierta

13 12 2011

Natalia Boronat, pa http://www.txetxenia.org

Rusia acaba vivir una selmana inédita de protestes de xente que se manifestó en contra del fraude ellectoral de los comicios llexislativos del 4 d’avientu, y que en Moscú desembocaron el sábadu na manifestación más grande dende los tiempos de la perestroika.

Estes protestes faen plantear l’interrogante de si va tratase d’un fechu aislláu de rabia post-ellectoral o de si nel país empieza a cambiar dalguna cosa’cause una parte de la ciudadanía agotó la so paciencia col réximen instauráu por Vladímir Putin.

Read the rest of this entry »





INDEPENDENTISTES CHECHENOS NIEGUEN LA SU PARTICIPACIÓN NOS ESPAÑÍOS DE MOSCÚ

31 03 2010

Rustavi 2

Independentistes chechenos negaron la su participación nos españíos del llunes en Moscú y acusaron al llideralgu rusu y al su Primer Ministru, Vladimir Putin, d’organizar los ataques terroristes.

Güei dinfundióse n’internet un comunicáu d’audio del líder de los independentistes chechenos, Doku Umarov. El narraor de la grabación afirma que nin Chechenia nin les organizaciones islámiques necesiten anguañu la guerra, y afirma que Vladimir Putin podría ser el responsable de los ataques terroristes nes estaciones de metro de Moscú, que necesitaría pal su propiu prestixu y pa ganar sofitos de la nación como yá ficiera durante’l períodu de la guerra en Chechenia.

Read the rest of this entry »





CIUDADANOS D’ETNIA RUSA ABANDONEN EL CÁUCASU NORTE

20 11 2009

Valeri Dzutsev

El pasáu 3 de Payares, el presidente de Daguestán, Mukhu Alíev, convocó un conceyu especial pa tratar los problemes de los ciudadanos d’etnia rusa residentes na República. Pesie al tonu optimista qu’exhibíen los funcionarios, paez ser que los rusos siguen colando de Daguestán, anque les cifres nun son tan elevaes como lo fueron xusto dempués del colapsu de la Xunión Soviética en 1991.

Sigún el presidente Alíev, en 1959 los rusos representaben el 20% de la población daguestaní y yéren el segundu grupu étnicu más importante d’esta multiétnica república. Por embargu, en 1989, la población d’etnia rusa quedó amenorgada al 9% de la población total de la República, y los años que siguieron, a menos del 5%. Güei, los ciudadanos d’etnia rusa ocupen la sesta posición nel rangu de les numberoses etnies esistentes al Daguestán: ávaros, darguinos, kumikos, lesguinos o laks superen en númberu a los rusos. Nel periodu comprendíu ente los dos censos rusos (1989 y 2002), la población rusa en Daguestan perdió un 27%. Viven nel Daguestán menos de 120.000 persones ruses, sigún les cifres oficiales.

Read the rest of this entry »





LES TORTURES A CHECHENOS DE PUTIN

15 07 2009

Jamie Glazov, pa FrontPageMagazine.com

FrontPage entrevista nesta ocasión a Yelena Maglevannaya, una periodista de Volvograo que pidió asilu políticu en Finlandia fai delles selmanes. Sufre persecución en Rusia por escribir’bout les tortures a chechenos en prisones ruses. Tamién fizo campaña en defensa de presos políticos como Mikhail Trepashkin, y desixó la derogación de les Lleis de Xunetu de 2006 que permiten al Kremlin asesinar a los enemigos de Rusia, amás de xestionar una web dedicada a la memoria d’Alexander Litvinenko.

Fálanos de los fechos que te ficieron colar de Rusia.

La principal razón pola que decidí colar de Rusia foi la menacia a la mio llibertá, incluso a la mio vida, si yo quedaba allí. Les autoridaes taben fabricando cargos penales contra mí desque refugué acatar la inxusta sentencia xudicial d’asoleyar una refutación de los mis artículos y pagar “daños y perxuicios por difamacion” a los guardies de la prisión. Amás, recibí menacies d’organizaciones nacionalistes ruses, yá que yo defendía los drechos de los chechenos, “enemigos de Rusia”. El FSB citóme en delles ocasiones por “entrevistes” y alvirtióme de que podría correr un gran peligru si nun dexaba de facer eses entrevistes. Too esto llevóme a tomar la decisión de colar.

Read the rest of this entry »





AUMENTA LA VIOLENCIA INTER-ÉTNICA NEL EXÉRCITU RUSU

13 07 2009

Soldaos rusos de la rexón d’Altay golpearon el pasáu fin de selmana a 44 reclutes daguestanís, l’últimu indicativu del continuu deterioru de les rellaciones inter-étniques nel Exércitu rusu y que revela qu’esiste un pelligru tan real que en dalgunes xunidaes el mandu y el control podríen tar cercanes a venir abaxo.

Lo que pasó esactamente nesti aislláu acuartelamientu sigue siendo materia de debate. Sigún el Comité de Madres de Soldaos en Daguestán, los reclutes d’esta república del Cáucasu Norte foron llamaos y puestos delantre de les tropes ruses, que-yos golpearon tan duramente que los daguestanís teníen “miéu a ser asesinaos” si volvíen a les sus xunidaes.

Read the rest of this entry »





LOS DELITOS COMETÍOS POR OFICIALES DEL EXÉRCITU RUSU CRECIERON NA ÚLTIMA DÉCADA

12 07 2009

RIA Novosti

Los delitos cometíos por oficiales de les Fuercies Armaes Ruses alcanzaron niveles ensin precedentes na última decada y requiérense midíes urxentes pa frenar esta tendencia negativa, afirmó’l xueves el Fiscal Xefe Militar.

Los oficiales rusos cometieron un total de 4.159 delitos en 2008, incluyíos 1.754 rellacionaos con corrupción, un 38% más que en 2007.

Read the rest of this entry »