Un tribunal suecu cierra un casu contra un refuxáu chechenu por secuestru

19 01 2013

Michael Capobianco, Waynakh Online

El periódicu rusu Kommersant informó que la fiscalía sueca tá acabante de cerrar una causa xudicial, abierta fae más de 6 años, contra un refuxáu chechenu que taba acusáu de secuestrar a un fotógrafu rusu. Magomed Uspayev, que tuvo viviendo en Suecia baxo’l nome de Maga Zakhiyev, foi arrestáu na ciudá de Gotemburgu’l 20 d’Agostu de 2006, baxo los cargos de conducta inadecuada, y les autoridaes sueques preguntaron a les ruses si los documentos de Zakhiyev yéren correctos. El réximen chechenu pro-rusu identificó a esta persona, gracies a una foto, como Magomed Uspayev, y les autoridaes ruses pidieron de seguío la so estradición, alegando que fuera’l secuestrador de Vladimir Yatsina, fotógrafu de l’axencia de noticies ITAR-TASS, en 1999 n’Inguxetia. Los investigadores rusos afirman que Uspayev, quien supuestamente accedió a llevar a Yatsina’til Chechenia a cambiu de perres, entregó al fotógrafu a un grupu criminal (los hermanos Akhmedov) a la so llegada al Cáucasu Norte. Vladimir Yatsina foi asesináu en dalgún momentu de los meses siguientes, sigún dellos testimonios. El Fiscal Xeneral rusu pidió la estradición d’Upsayev al poco de la so detención en Suecia, pero’l Ministru de Xusticia suecu denegó la petición n’Ochobre de 2007, alegando una decisión d’un tribunal contrariu a la estradición. Por embargu, a mediaos de Payares de 2007, les autoridaes sueques reabrieron el casu por una nueva petición fecha por Vladimir Ustanov, ministru rusu de Xusticia. A partir d’esi momentu abrióse una investigación conxunta ente Suecia y Rusia. En Marzu de 2010, el presidente rusu Dmitry Medvedev preguntó, durante la so visita a Suecia, pola estradición de Magomed Upsayev.

El 9 de Xineru de 2013 Matts Sallstrom, fiscal xege de Gotemburgu, afirmó que taba acabante de cerrar el casu d’Uspayev.

“Nun tenemos denguna razón pa continuar cola investigación. Los materiales disponibles nun apurren denguna evidencia de que’l sospechosu pueda ser culpable del delitu que se-y imputa. Tá asumío que una investigación más fondera nun va apurrir denguna prueba que cambie l’actual base d’evidencies. Por embargu, si Rusia apurre nueves evidencies clares, podríemos reabrir el casu”, afirmó’l Fiscal Xefe Sallstrom.

Advertisements

Actions

Information

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: