La situación de los habitantes del Cáucasu Norte encarcelaos

28 12 2010

Memorial

Munchos familiares de persones que tán cumpliendo condena en centros penitenciarios tán poniéndose en contactu últimamente cola Asociación Memorial polos Drechos Humanos. En xeneral, llamen familiares d’aquellos que fueron condergaos por participar nel conflictu armáu. La mayoría d’ellos denuncien el fechu de que los habitantes de les repúbliques del Cáucasu Norte tán siendo condergaos ensin denguna razón y casi toos ellos vienen sufriendo unes durísimes condiciones de detención o encarcelamientu. En dambos casos, los presos vénse privaos de dalgunos drechos como’l d’unviu y recibu de cartes, el de visites, etc… Hai denuncies de que los prisioneros tán sufriendo presiones físiques pela parte d’oficiales de l’alministración, y en dalgunes colonies penitenciaries los oficiales de los cuerpos de seguridá golpeen y torturen a los presos.

Davezu cuando hai un actu terrorista u otru incidente grave nel país, la situación de los norcaucásicos presos empeora. Por exemplu, dempués de los españíos nel metru de Moscú el 29 de Marzu d’esti añu, les persones provinientes del Cáucasu sufrieron un empeoramientu de les condiciones d’encarcelamientu en casi toles cárceles.

Read the rest of this entry »

Advertisements




CHECHENOS N’EUROPA Y EL FUTURU DEL CONFLICTU CHECHENU

26 12 2010

Murad Batal Al-Shishani

El pasáu 9 de payares el web Kavkaz-Center posteó un videu tituláu “Carta de los chechenos exiliaos a los organizadores de les prebes a los muyahidines”, nel que salía xente ensin identificar, uno de los cualos falaba en chechenu. Esti home llanzó un mensaxe en rellación a la reciente dixebra ente los rebeldes chechenos y la renuncia fecha por dellos llíderes rebeldes en Chechenia a los xuramentos de fidelidá a Doku Umarov llíder rebelde del Cáucasu Norte. Esti videu tá siendo interpretáu como ua señal de que los chechenos exiliaos alineáronse con Umarov y la facción yihadista opuesta a la facción nacional nel reciente dixebra ente los dos bandos mencionaos. Por embargu, la yá tradicional influencia’bout’l conflictu pela parte de los chechenos asentaos n’Europa’tis probable qu’asuma un camín diferente.

Read the rest of this entry »





EL TRIBUNAL D’ESTRASBURGU CONDERGA A RUSIA AL PAGU DE 130.000 EUROS POR DELLOS CASOS EN CHECHENIA

22 12 2010

RIA Novosti

El Tribunal Européu de Drechos Humanos vién de condergar esti martes a Rusia al pagu d’un total de 130.000 euros pol secuestru d’un home chechenu y por nun investigar eficazmente la muerte de dos neños chechenos dempués d’un ataque con misiles.

El Tribunal conderga al gobiernu rusu a pagar 73.500 euros a los familiares de Khamid Mukayev, que foi secuestráu por militares rusos durante una operación de seguridá en Katyr-Yurt (República de Chechenia) en Setiembre de 2004.

Read the rest of this entry »





Kadírov nun pue facer frente al decrecimientu de la economía chechena

18 12 2010

Vladímir Duntsev

El 4 de payares hubo protestes masives en Chechenia. Los trabayadores de la empresa estatal de construcción Spetsstroi ficieron fuelga dempués de tar cuatro meses ensin recibir el sueldu y namás volvieron a trabayar cuando se-yos prometió que bien ceo volveríen a cobralu. Sigún un empleáu anónimu, la dirección de Spetsstroi taba aprovechándose de los trabayadores’cause en Chechenia prácticamente nun hai empleu y los directores sabíen que los trabayadores nun dexaríen los suyos (www.kavkaz-uzel.ru, 4 de noviembre).

Poro, incluso baxo’l gobiernu de terror de Ramzan Kadírov, los chechenos ficieron una acción de protesta silenciosa cuando’l bientar socioeconómicu de la xente tuvo n’entedicho. L’acontecimientu probablemente foi indicativu del probe rendimientu económicu de Chechenia que les estadístiques ruses oficiales nun reflexen. A Kadírov, incluso los sos alversarios-y atribuíen la reconstrucción de Grozni, Gudernes y otros pueblos chechenos.

Read the rest of this entry »





CONFESIONES D’UN EX SOLDÁU RUSU

17 12 2010

Aslambek Apaev
Cabezaleru de la ONG “Comité pa la proteición de les personaes desplazaes”
Miembru del Grupu Moscú-Helsinki

Durante la primer y la segunda guerres nel territoriu de Chechenia fuí testigu de dalgunes muertes. Ví muncha xente muerta, munchos feríos y y neños y adultos mutilaos. Namás ví dolor, sangre y llárimes.

Y agora, tamién nestos momentos, escucho hestories’bout les atrocidaes cometíes poles tropes ruses contra los civiles. Y la mayoría de l’estos crímenes cometiéronlos los llamaos “contratistes” (kontratniki), soldaos que faen el so llabor contrataos. Nun son mozos de 18 o 20 años, sinon homes bastante adultos. Los chechenos llámenlos, davezu, mercenarios. Y na mio opinión, esti términu defínelos meyor. La única razón pola qu’esta xente va a la guerra’tis pa matar persones a cambiu de perres. Quieren construyir la so felicidá’bout la sangre y la miseria d’otres persones nes montañes. Sigún tengo entendío, incluso los soldaos que tán faciendo’l serviciu militar obligatoriu odien a estos contratistes.

Read the rest of this entry »