LOS TÍTERES DE KADYROV SECUESTREN A CIENTOS DE TRABAYADORES TURCOS EN CHECHENIA

26 11 2011

Kavkaz Center

A primeros d’esti branu, la sede n’Ankara de la Compañía azerbayana Penta, dirixía por Suveysh Mammadzade, entamó a contratar obreros pa la construcción de dellos edificios en Chechenia. Casi 480 trabayadores fueron contrataos y unviaos a Grozni, Gudermes y Argún, sigún informaron nun principiu axencies turques de noticies y más alantre’l portal rusu Regmun citando fontes turques.

Al empezar el so segundu mes de trabayu, los trabayadores turcos dexaron de recibir el so salariu. Dos meses dempués, los trabayadores anunciaron que pararíen el tayu si nun recibíen los salarios alcordaos. Dempués d’esti anunciu, guardies armaos empezaron a menaciar a los obreros y-yos prohibieron abandonar los sos puestos de trabayu. La situación nun sufrió cambios dende aquel momentu.

Read the rest of this entry »





Kadírov nun pue facer frente al decrecimientu de la economía chechena

18 12 2010

Vladímir Duntsev

El 4 de payares hubo protestes masives en Chechenia. Los trabayadores de la empresa estatal de construcción Spetsstroi ficieron fuelga dempués de tar cuatro meses ensin recibir el sueldu y namás volvieron a trabayar cuando se-yos prometió que bien ceo volveríen a cobralu. Sigún un empleáu anónimu, la dirección de Spetsstroi taba aprovechándose de los trabayadores’cause en Chechenia prácticamente nun hai empleu y los directores sabíen que los trabayadores nun dexaríen los suyos (www.kavkaz-uzel.ru, 4 de noviembre).

Poro, incluso baxo’l gobiernu de terror de Ramzan Kadírov, los chechenos ficieron una acción de protesta silenciosa cuando’l bientar socioeconómicu de la xente tuvo n’entedicho. L’acontecimientu probablemente foi indicativu del probe rendimientu económicu de Chechenia que les estadístiques ruses oficiales nun reflexen. A Kadírov, incluso los sos alversarios-y atribuíen la reconstrucción de Grozni, Gudernes y otros pueblos chechenos.

Read the rest of this entry »





CIUDADANOS CHECHENOS DENUNCIEN QUE TIENEN QUE PAGAR POR TOLOS SERVICIOS MÉDICOS

7 06 2010

Muslim Ibragimov, pa Caucasian Knot

Pacientes de les instituciones de servicios médicos aseguren que pesie a los sus seguros médicos tienen que pagar pola asistencia sanitaria. Sigún el Ministeriu de Salú de Chechenia,’roundl 90% de los residentes de la rexón lleven al día el pagu de los seguros médicos.

El furrulamientu de les instituciones provoca una seria insatisfacción en dalgunos habitantes de la república. En concreto, sigún los residentes en Grozni, el fechu de que cuando busquen asistencia sanitaria n’hospitales municipales, tienen que mercar les medicines coles sus propies perres y pagar a los médicos “pesie a les noticies qu’aseguren que en tolos centros sanitarios esiste asistencia de baldre”.

Read the rest of this entry »





SALÚ Y DRECHOS HUMANOS: DENGÚN MILAGRU EN CHECHENIA

2 12 2009

Artículu asoleyáu en The Lancet, una de les principales espublizaciones médiques del mundiu

Casi 15 años dempués de qu’entamaren les guerres ente los independentistes chechenos y les tropes ruses, Chechenia y la su capital, Grozni, tán viendo nos últimos años unos esfuercios pa la su reconstrucción y una recuperación de la economía que dalgunos califiquen como “l milagru chechenu”. Mentantu, los incidentes violentos tán siendo, por desgracia, cada vuelta más constantes dende la guerra n’Osetia del Sur ente Xeorxa y Rusia que tuvo llugar n’Agostu. La cifra de muertes violentes comparaes coles del anterior branu casi se dobla, de 84 a 152(1).

El pasáu mes d’Abril les fuercies militares ruses punxeron fin oficialmente a lo que denominaben operación antiterrorista y que les organizaciones de drechos humanos consideraben “un sistema rexonal de tortura, confesiones forzoses y xuicios prefabricaos”.(2) Documentaes poles organizaciones de drechos humanos, asina como pola prensa nacional ya internacional, les fuercies ruses continúen coles sus práctiques de desapaiciones forzoses, tortura y otros tratamientos degradantes a los supuestos terroristes, al mesmu tiempu que les autoridaes ruses tán sufriendo una fola creciente d’asesinatos de los sus representantes pela parte d’insurxentes cada vuelta más organizaos.(3) Hasta’l 29 d’Ochobre de 2009, el Tribunal Européu de Drechos Humanos llevaba xulgaos más de 100 casos de ciudadanos chechenos nos que’l Gobiernu rusu nun acometió una investigación afayaíza nin persiguió los abusos contra los drechos humanos cometíos poles sus fuercies, o atopó a Rusia directamente por violaciones de los drechos humanos que van dende’l tratu inhumanu a detenciones secretes o muertes. Entá hai miles de casos pendientes.

Read the rest of this entry »





CHECHENIA NUN DISPÓN DE LES CONDICIONES AFAYAÍCES PA LA REHABILITACIÓN DE NEÑOS MINUSVÁLIDOS

25 11 2009

Muslim Ibragimov, pa Caucasian Knot

Los neños minusválidos d’esta república nun tienen oportunidá de recibir un tratamiento afayaízu, yá qu’esiste un sólu centru de rehabilitación pa los’round 40.000 neños que tán nesa situación.

Sigún el Ministeriu de Trabayu, Inserción Llaboral y Asuntos Sociales de Chechenia, anguañu la república tién 41.189 neños minusválidos. Amás 1.300 güérfanos de padre y madre y 25.000 d’un de los dos viven nel país.

Read the rest of this entry »





MEDIU MILLÓN DE DESEMPLEAOS EN CHECHENIA

15 05 2008

Kavkaski Úzel

Un total del 76,9% de la población activa tá en situación de paru en Chechenia, siendo’l númberu de desempleaos superior al mediu millón de persones.

Sigún el representante del Ministeriu de Trabayu y de Desarrollu Social de la República na su entrevista al corresponsal del “Kavkazski Úzel” el númberu total de desempleaos’tis anguañu de 511.536 persones.

Read the rest of this entry »