Amenaza de deportación a un deportista chechenu residente n’Austria

14 01 2013

Waynakh Online

El serviciu públicu nacional austriacu de radiodifusión ORF informó que un mozu chechenu, que foi campeón de taekwondo, tá amenazáu con ser deportáu d’Austria.

Sigún eses informaciones, el mozu de 20 años d’edá Yunadi Sugaipov emigró en 2010 dende Chechenia al valle austriacu de Gasteain, a causa de l’actual situación de guerra y represión. Tiempu dempués solicitó l’asilu políticu, pero esta petición foi denegada poles autoridaes austriaques, pesie al fechu de que’tis campeón austriacu de taekwondo na categoría de menos de 68 kilos. Tamién’tis entrenador de neños nel so equipu y tola xente del so club confía muncho nes sos habilidaes, yá que Yunadi algamó importantes oxetivos deportivos. Yunadi afirmó que “quiero dir al Campeonatu européu, y si pudiere tamién al Campeonatu mundial, pero eso por supuesto namás puedo consiguilo si me dexen quedar equí”.

“Si dalguien tién un altu potencial nuna sociedá rural como ésta, debemos permanecer xunto a él. Al mesmu tiempu, tenemos mieu de los peligros a los que pueda enfrentase si lu manden pa Rusia o Chechenia. Tenemos que cambiar el sistema y conseguir que quede equí con nós. Por eso, intentamos difundir la so situación nos medios de comunicación, pa ver si d’esta manera conseguimos que quede” afirma’l so entrenador, Andreas Hörtngal.

“Sabemos lo que-y pasa a la xente que manden de vuelta a Rusia,’bouttoo si son chechenos” afirma Christoph Schmidinger, del Gasteain Taekwondo Club.

“Nun’tis fácil prevenir les deportaciones, yá que hai más de 25.000 chechenos n’Austria. Sé que nun son toos anxelinos, asina que hai que mirar casu por casu”, afirma Erika Pichler, una periodista y reconocida traductora de los tribunales austriacos.

D’otra parte, ORF recordó nuna publicación a les autoridaes austriaques que “munchos xugadores estranxeros de fúbol vinieron a Austria y gastáronse cantidaes de perres pa traer la so escelencia; si dexamos que Yunadi quede n’Austria, podría convertise nun grandísimu atleta pal país”.

Advertisements

Actions

Information

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: