Putin y Eto’o: El Cáucasu Norte

27 09 2011

Miguel Vázquez-Liñán, Observatorio Eurasia

Vladímir Putin, nel so yá tradicional posáu braniegu, decidió sumerxise nes agües del Mar Negru p’alcontrar, casualmente, nun sólo delles cámares del Primer Canal de televisión, sinon tamién dos ánfores griegues del sieglu VI enantes de Cristu.
La inmersión foi breve y a non demasiada profundidá (unos dos metros); pero l’equipamientu yéra’l de les grandes ocasiones y el resultáu de lo más eficiente: les ánfores taben cerquina y casi a estrenar. De pasu, dexó n’entredicho la solvencia de los arqueólogos de la espedición “L’Atlántida Rusa”, qu’investiguen la zona de l’antigua colonia griega de Fanagoria, del sieglu VI a. de C.

Más alló del mal gustu del que fae gala na so propaganda’l primer ministru (y al empar ex primer ministru – ex presidente en funciones – ex presidente – agora otra vegada primer ministru y puede que bien ceo otra vegada presidente), l’espectáculu “agostí” enmárcase na campaña por facer de los distritos Sur (con capital en Rostov del Don) y Cáucasu Norte (cuya capital’tis Piatigorsk, en Stávropol) zones d’atractivu turísticu nacional e internacional.

Read the rest of this entry »





Quién protexe a quién en Chechenia

24 09 2011

Mairbek Vachagáev, especial pa Caucas News

En 1858, el nueu comandante del exércitu ruso nel Cáucasu, el príncipe Bariatinski, tomó la decisión de someter Chechenia d’una vez por toes, utilizando tolos medios al so alcance. P’algamalo, unvió a Chechenia un continxente de 113 mil soldaos que diben enfrentase a los 98 mil chechenos supervivientes. Ensin esta superioridá numérica, l’exércitu rusu nun podría acabar con una llarga resistencia de los pueblos del Cáucasu Noreste, que llevaben oponiéndose a los rusos dende mediaos del sieglu XVIII. Sometía Chechenia, la suerte taba echada: Daguestán cayó cuatro meses dempués y la rexón noroccidental del Cáucasu foi conquistada en tres años.

P’asegurar la so presencia en Chechenia, los rusos fundaron una decena d’aldees cosaques y delles places fortificaes na parte montañosa de la rexón. Eses fortaleces esistieron mientres mediu sieglu. Tou esti tiempu, los sos habitantes vivieron en contínuu estáu de sitiu,’til que’l nueu gobernador del Cáucasu Vorontsov-Dashkov, decidió salvar a los soldaos supervivientes rusos, zarrando toles fortaleces militares nes montañes chechenes.

Read the rest of this entry »