El vienres negru n’Oslo d’Ajmed Gisayev

31 07 2011

Un refuxáu chechenu llegó fai dos años a Oslo fuxendo de la muerte, pero sintió’l so familiar aliendu na próspera y amable capital noruega | “La onda atravesó la cai rebotando nos edificios con gran virulencia” | Gisayev y otros dos chechenos corrieron al llugar del españíu pa intentar ayudar | Gisayev vivió la guerra en Grozny, sufrió tortures y fuxó a Oslo en el 2009 | “Dalgunos visitaron a la madre de Brevik, sóbra-yos bondá pa estirpar el terror”

Rafael Poch | La Vanguardia

El vienres Ajmed Gisayev regresó mientres dalgunos minutos al Barzaj, esi espaciu indefiníu y ensin concencia ente la vida y la muerte de la mitoloxía sufí chechena. Les siluetes de la xente apaecíen ente una nube de polvu, col asfaltu enllenu de cristales y esi zumbíu nos oyíos cercanu a la sordera qu’amortigua los glayíos nun cerebru afectáu polos cortocircuitos del trauma. La xente, dalgunos ensangrentaos otros ilesos pero espantaos, fuxía del españíu, pero él, instintivamente, intentaba averase. La relación del chechenu cola muerte’tis casi familiar, mui diferente a la del noruegu. Pensó nun españíu de gas, luego nun edificiu desmoronáu enantes de llegar a la idea de qu’aquello nun yéra otra cosa qu’una bomba.

Read the rest of this entry »





El violador de Drechos Humanos nº 1 d’Europa

27 07 2011

Fonte: http://www.themoscowtimes.com

Vladimir Ryzhkov, diputáu de la Duma Estatal de 1993 a 2007, plantea nesti artículu si Rusia merez ser un miembru del Conseyu d’Europa.
Les autoridaes ruses declararon un breve tiempu muertu nel so conflictu col Conseyu d’Europa y el so Tribunal Europeu de Drechos Humanos d’Estrasburgu.

El xueves, la Duma d’Estáu (parllamentu) decidió retrasar’til la seronda la revisión d’un proyectu de llei que permitiría llibrar al Tribunal Constitucional, en dalgunos casos, de la so obligación d’acatar los fallos de los tribunales europeos contra Rusia. El proyectu de llei tamién faería más difícil que los ciudadanos rusos pudieren demandar al gobiernu n’Estrasburgu.

Read the rest of this entry »