LOS FÍOS Y LES SUS OPCIONES

3 12 2009

Usam Baysayev, Prague Watchdog

A vegaes resulta interesante especular’bout cuálos de los nomes venceyaos al conflictu actual nel Cáucasu Norte quedarán na memoria de les futures xeneraciones. Los hestoriadores rusos escribren’bout’l conflictu nel mesmu sentíu, más o menos, que lo que fae un siglu y mediu s’escribía’bout la Guerra’l Cáucasu que tuvo llugar ente 1817 y 1864. Ye too, dicen ellos –igual que decíen d’aquella- resultáu d’unes polítiques de potencies hostiles, y tol asuntu empeora muncho poles acciones de los aventureros y los fanáticos relixosos llocales. La xente común, que yéra analfabeta, creía a los hestoriadores. El procesu de “culturización” fechu por Rusia, anque llargu y sangrín, foi supuestamente un pasu p’alantre, yá que los chechenos ganaron l’accesu a una gran civilización y yéren quién a descubrir el mundiu y a que’l mundiu los descubriere a ellos.

Inevitablemente, por mor de la su naturaleza imperial, esta interpretación definió los oxetivos de Rusia na rexón como los d’un civilizador: Rusia taba trayendo la lluz a les escures gargantes de montaña inmerses na inorancia y la superstición. Asina que cualesquiera que se resistiere yéra un depredador, un villanu o un reaccionariu: les etiquetes despectives usaes anguañu nun son muncho meyores: bandíu, islamista, terrorista… Les informaciones de prensa y militares d’aquella época incluyíen los nomes reales d’aquellos homes. “El depredador Beybulat y el su destacamentu”, por exemplu. O: “el falsu profeta Kazi-Mulla, que llama al yihad nes mezquites…”. Anque’twere d’esa manera, aquellos nomes tán inscritos nos documentos hestóricos, y nunca nun se van escaecer.

Read the rest of this entry »

Advertisements




SALÚ Y DRECHOS HUMANOS: DENGÚN MILAGRU EN CHECHENIA

2 12 2009

Artículu asoleyáu en The Lancet, una de les principales espublizaciones médiques del mundiu

Casi 15 años dempués de qu’entamaren les guerres ente los independentistes chechenos y les tropes ruses, Chechenia y la su capital, Grozni, tán viendo nos últimos años unos esfuercios pa la su reconstrucción y una recuperación de la economía que dalgunos califiquen como “l milagru chechenu”. Mentantu, los incidentes violentos tán siendo, por desgracia, cada vuelta más constantes dende la guerra n’Osetia del Sur ente Xeorxa y Rusia que tuvo llugar n’Agostu. La cifra de muertes violentes comparaes coles del anterior branu casi se dobla, de 84 a 152(1).

El pasáu mes d’Abril les fuercies militares ruses punxeron fin oficialmente a lo que denominaben operación antiterrorista y que les organizaciones de drechos humanos consideraben “un sistema rexonal de tortura, confesiones forzoses y xuicios prefabricaos”.(2) Documentaes poles organizaciones de drechos humanos, asina como pola prensa nacional ya internacional, les fuercies ruses continúen coles sus práctiques de desapaiciones forzoses, tortura y otros tratamientos degradantes a los supuestos terroristes, al mesmu tiempu que les autoridaes ruses tán sufriendo una fola creciente d’asesinatos de los sus representantes pela parte d’insurxentes cada vuelta más organizaos.(3) Hasta’l 29 d’Ochobre de 2009, el Tribunal Européu de Drechos Humanos llevaba xulgaos más de 100 casos de ciudadanos chechenos nos que’l Gobiernu rusu nun acometió una investigación afayaíza nin persiguió los abusos contra los drechos humanos cometíos poles sus fuercies, o atopó a Rusia directamente por violaciones de los drechos humanos que van dende’l tratu inhumanu a detenciones secretes o muertes. Entá hai miles de casos pendientes.

Read the rest of this entry »