El Conseyu d’Europa desixe a Rusia que respete los drechos humanos en Chechenia

30 11 2009

Pilar Bonet, El País

Les actividaes de los grupos guerrilleros illegales y les desapaiciones en Chechenia aumentaron en 2009, pesie a l’abolición n’Abril del réxime contraterrorista vixente demientres 10 años n’aquel territoriu del Cáucasu rusu afectáu por dos guerres dende que la URSS se desintegrara en 1991.

Asina lo constata un informe del comisariu de Drechos Humanos del Conseyu d’Europa, Thomas Hammarberg, que s’asoleya güei n’Estrasburgu. L’informe, resultáu d’un viaxe a Chechenia ya Inguxetia del 2 al 11 de setiembre, afala a Rusia a clarificar les normes llegales vixentes nes operaciones de “llimpieza” contra les bandes armaes asina como a garantizar los drechos humanos durante les mesmes. El comisariu afala a les autoridaes ruses a “investigar de forma independiente” y “poner fin definitivamente” a práctiques como secuestros, desapaiciones, execuciones estraxudiciales, asesinatos, detenciones illegales y secretes. Estes práctiques fueron denunciaes poles ONG y tamién oxetu de demanda contra Rusia pela parte de los afectaos énte’l tribunal de Drechos Humanos d’Estrasburgu.

Read the rest of this entry »





ESTRASBURGU MULTA A RUSIA CON 215.000 EUROS POLA DESAPAICIÓN DE CINCO CHECHENOS

30 11 2009

RIA Novosti

El Tribunal Européu de Drechos Humanos multó con 215.000 euros a Rusia pola desapaición de cinco persones na República de Chechenia, sigún un comunicáu del Tribunal asoleyáu’l pasáu xueves.

Aslanbek Ismailov, Aslan Ismailov, Khizir Ismailov, Yusi Daidayev y Yaragi Ismailov, vecinos de la llocalidá chechena d’Achkhoi-Martan, fueron prindaos por homes armaos y con uniformes de camuflaxe en Xineru de 2003, y nunca nun se supo más d’ellos.

Read the rest of this entry »





BÉLXICA VA ESTRADITAR A RUSIA A UN REFUXÁU CHECHENU

30 11 2009

http://www.waynakh.com

Les autoridaes belgues van estraditar a Rusia a un chechenu que tién el status de refuxáu políticu concedíu por vése perseguíu por motivos políticos.

Sigún les autoridaes ruses, Vakha Dzhamaldinov sacó-yos perres a dos rusos menaciándolos violentamente na estación de tren Paveletsky, en Moscú, n’Avientu de 2001. Anque’l criminal fuxó del llugar, la policía abrió imputó-y cargos por robu. N’Agostu de 2007 Dzhamaldinov ingresó na llista internacional de persones buscaes. Dos meses dempués trescendió que taba en Bélxica, polo que Rusia dirixió una petición pa la so estradición a Bruseles. Dzhamaldinov algamó’l status de refuxáu en Bélxica lo que retrasó’l procesu d’estradición. Respondiendo a les repetíes solicitudes de la Fiscalía Xeneral rusa, Bélxica decretó que Dzhamaldinov nun tenía’l status de refuxáu por razones adecuaes, y decidió retirá-y esi status.

Read the rest of this entry »





EL FSB DECRETA UNA OPERACIÓN ANTI-TERRORISTA NEL ÁREA DE SUNZHENSK N’INGUXETIA Y NEL DISTRITU D’ACHKHOY-MARTAN EN CHECHENIA

26 11 2009

Axisglobe

Na mañana del pasáu martes 24 entró en vigor una operación anti-terrorista nel área de Sunzhensk, allugada na república norcaucásica d’Inguxetia, sigún informó l’axencia de noticies RIA Novosti citando un comunicáu del serviciu de prensa del Serviciu Federal de Seguridá (FSB) de la Federación Rusa n’Inguxetia.

Un voceru de la Direición del FSB afirmó a l’axencia de que teníen información de que miembros de grupos armaos illegales, envueltos na comisión de crímenes especialmente graves, podríen tar escondíos nel área especificáu.

Read the rest of this entry »





CHECHENIA NUN DISPÓN DE LES CONDICIONES AFAYAÍCES PA LA REHABILITACIÓN DE NEÑOS MINUSVÁLIDOS

25 11 2009

Muslim Ibragimov, pa Caucasian Knot

Los neños minusválidos d’esta república nun tienen oportunidá de recibir un tratamiento afayaízu, yá qu’esiste un sólu centru de rehabilitación pa los’round 40.000 neños que tán nesa situación.

Sigún el Ministeriu de Trabayu, Inserción Llaboral y Asuntos Sociales de Chechenia, anguañu la república tién 41.189 neños minusválidos. Amás 1.300 güérfanos de padre y madre y 25.000 d’un de los dos viven nel país.

Read the rest of this entry »





NACIONES XUNÍES CONFIRMA QUE LA ESTRADICIÓN DE CHECHENOS-YOS PUEDE ACARREAR RIESGOS A ÉSTOS

24 11 2009

http://www.waynakh.com

La 43ª sesión del Comité de les Naciones Xuníes (NX) contra la tortura tuvo llugar en Xinebra ente los díes 2 y 20 d’esti mes de Payares. Como resultáu de la sesión, el Comité de les Naciones Xuníes contra la tortura confirma que la deportación de refuxaos chechenos puede suponé-yos a éstos un riesgu real de sufrir tortures.

Nesta 43ª sesión del Comité de les Naciones Xuníes contra la tortura, ésti debatió’l tercer informe periódicu de la República d’Azerbayán’bout la Convención contra la tortura y otros castigos o tratamientos crueles, inhumanos o degradantes. La representación d’Azerbaiyán formáronla 13 funcionarios del Estáu, y taba encabezada por Khalaf Khalafov, Viceministru d’Esteriores.

Read the rest of this entry »





CIUDADANOS D’ETNIA RUSA ABANDONEN EL CÁUCASU NORTE

20 11 2009

Valeri Dzutsev

El pasáu 3 de Payares, el presidente de Daguestán, Mukhu Alíev, convocó un conceyu especial pa tratar los problemes de los ciudadanos d’etnia rusa residentes na República. Pesie al tonu optimista qu’exhibíen los funcionarios, paez ser que los rusos siguen colando de Daguestán, anque les cifres nun son tan elevaes como lo fueron xusto dempués del colapsu de la Xunión Soviética en 1991.

Sigún el presidente Alíev, en 1959 los rusos representaben el 20% de la población daguestaní y yéren el segundu grupu étnicu más importante d’esta multiétnica república. Por embargu, en 1989, la población d’etnia rusa quedó amenorgada al 9% de la población total de la República, y los años que siguieron, a menos del 5%. Güei, los ciudadanos d’etnia rusa ocupen la sesta posición nel rangu de les numberoses etnies esistentes al Daguestán: ávaros, darguinos, kumikos, lesguinos o laks superen en númberu a los rusos. Nel periodu comprendíu ente los dos censos rusos (1989 y 2002), la población rusa en Daguestan perdió un 27%. Viven nel Daguestán menos de 120.000 persones ruses, sigún les cifres oficiales.

Read the rest of this entry »