El TEDH almite la demanda d’una muyer chechena contra Rusia

13 11 2011

Caucasian Knot

El Tribunal Europeu de Derechos Humanos (TEDH) almitió la denuncia interpuesta por Gizhan Sambieva, residente en Chechenia y madre de Said-Emin Sambiev, que desapaeció y foi asesináu en 2003. El TEDH condergó a la Federación Rusa a paga-y una compensación.

Gizhan Sambieva afirma que en 2003 el so fíu foi secuestráu y dempués asesináu por militares rusos. Sambiev trabayaba nel serviciu de seguridá del Presidente chechenu. El 13 d’Agostu d’aquel añu conducía un taxi nel que diba acompañáu del so compañeru y foi obligáu a parar nel distritu de Vedeno por un grupu de soldaos, que lu treslladaron a la base del reximientu de paracaidistes.

El 24 d’Agostu Madjidov, tres ser duramente golpeáu, foi lliberáu. Esi día vio a Sambiev nun estáu bastante grave tres recibir una paliza. Dende esi día, Said-Emin Sambiev tuvo na llista de persones desapaecíes.

El casu penal abiertu pola oficina de la fiscalía del distritu de Vedeno pola desapaición de Sambiev nun llegó a resolvese, sigún informa l’axencia de noticies SKFO.

Sigún Gizhan Sambieva, les autoridaes ruses nun llevaron a cau una investigación apropiada de la desapaición del so fíu, y les autoridaes xudiciales nun respondieron a les sos denuncies. Esta vecina de Grozni tamién afirma que la desapaición del so fíu afectó gravemente a la so salú y a la so situación económica, informa “bfm.ru”.

El TEDH d’Estrasburgu anunció que nesti casu los artículos 2, 3, 5 y 13 de la Convención Europea de Derechos Humanos (derechu a la vida, prohibición de la tortura, derechu a la llibertá y seguridá de la persona, derechu a un recursu efectivu) fueron violaos y condergó a Rusia a pagar una multa d’unos 67.000 euros a Gizhan Sambieva, sigún puede vese na web del TEDH.

Advertisements

Actions

Information

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s




%d bloggers like this: