Noruega amenaza con deportar a una familia chechena

2 01 2013

theforeigner.no

Les autoridaes noruegues d’inmigración van mandar de vuelta pa Chechenia a una familia con 6 miembros, ente ellos una neña que nació’l día d’Añu Nuevu.

Liza Ozdoeva y el so esposu, Alkhazur Mezhiev, tuvieron a una neña, Madina, nes primeres hores de 2013. La pequeña nació nel hospital de Kristiansand, al sur de Noruega.

Madina tién 3 hermanes mayores, de 6, 4 y 2 años y mediu d’edá, sigún informa’l periódicu llocal Fedrelandsvennen.

Sigún afirmó Liza Ozdoeva, la neña de 6 años yá va a la escuela, y les otres dos acuden a la guardería. Les autoridaes d’inmigración refugaron el permisu de residencia solicitáu pola familia. Liza aseguró a la prensa que’l so esposu xuntóse a ella en Noruega fadrá unos 7 años, dempués de que’l maríu pagare un rescate al réximen chechenu pola so lliberación, y añadió que Alkhazur tuvo lluchando contra los rusos nes dos guerres.

“Cada día obliguen a volver a munchos chechenos”, afirma Liza Ozdoeva. “Tenemos miéu polo que-y pueda pasar al mi esposu si volvemos a Chechenia”.

Al mesmu tiempu, tién esperanza en que les autoridaes d’inmigración cambien d’opinión y-yos concedan el permisu de residencia, anque la familia tién les maletes feches por si vién la policía a prindalos pa deportalos.

“Tenemos la esperanza de que nos dean la oportunidá de quedanos y de que nun mos espulsen de Noruega. Espero que Madina pueda crecer equí”, conclúi Liza Ozdoeva.

Advertisements

Actions

Information

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: