LLIBERÁU ZUBAIR ZUBAIREV TRES CINCO AÑOS DE TORTURES

18 06 2012

Jeremy Putley

El presu chehenu Zubair Zubairaev foi lliberáu a les 6 de la mañana del pasáu vienres 1 de Xunu, y foi recibíu a la salida de prisión pola so familia y el so abogáu.

Sigún delles informaciones, el so estáu de salú ye mui grave y nun ye quien a mover les piernes, lo que confirma les noticies anteriores, que afirmaben que tién la columna vertebral rota dende que sufrió una brutal paliza a manes de dalgunos funcionarios de prisiones.

Anque la hermana de Zubair describió l’estáu de salú d’ésti como “terrible”, a causa de les continues, prolongaes y crueles tortures a manes de los carceleros durante los cinco años d’encarcelamientu, esto nun foi impedimentu pa que los mesmos carceleros sometieren a un duru acosu sicolóxicu al presu una o dos hores antes de la so puesta en llibertá. Sigún relaten dalgunos testigos, sintiéronse n’aquel ratu “fuertes glayíos de dolor” dende una habitación adyacente a la puerta de la prisión. Les informaciones aseguren que los malos tratos a Zubairaev inclueron golpes nel so brazu mancáu (mancáu por cortes de lligamentos), golpes nel pescuezu con un oxetu contundente, y que-y tiraren de los brazos, lo que-y causó un “dolor infernal”.

Los llectores familiarizaos cola hestoria del encarcelamientu de Zubair Zubairaev recordarán que’l 23 de Febreru de 2007 esti home “desapaeció”, y que lu toparon 3 meses dempués nos sótanos d’una comisaría de policía en Grozni. Durante esti tiempu foi torturáu y forzáu a declarase culpable de crímenes que nun cometiera. La condena a 5 años basóse nel artículu 317 del Códigu Penal de la Federación Rusa -atentáu contra la vida d’un miembru de les fuerces del orden- y nel artículu 222 -posesión y almacenaxe illegal d’armes-. De fechu, nun se presentó denguna evidencia de posesión d’armes durante’l procesu, nin nel xuiciu. Ye bastante probable, polo tanto, que esti seya un casu d’un home chechenu inocente dafechu que foi encarceláu por error, y que sufrió una violencia extrema y tortures dientro’l brutal sistema carcelariu de Rusia, que vién siendo progresivamente degradáu durante los años del mandatu corruptu de Putin y los sos colegues nel gobiernu rusu.

Más info sobre’l casu: https://asturieschechenia.wordpress.com/2011/12/24/tortura-nes-prisiones-ruses-de-medvedev/


Advertisements

Actions

Information

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s




%d bloggers like this: