UNA ESCUELA FRANCESA RECHAZA A ESTUDIANTES CHECHENOS

10 05 2012

El diariu francés Le Monde informó que 21 neños chechenos, solicitantes d’asilu toos ellos, con edaes ente los 3 y los 11 años, vieron rechazada la so solicitú de matriculación na escuela d’una pequeña llocalidá cercana a la llocalidá de París.

Sigún esta información, estos neños tán sufriendo bastantes dificultaes por ser asilos políticos. Lleven soñando con tar na escuela dende que llegaron a París, ente Mayu y Setiembre de 2011. Por embargu, han pasar los sos díes nun de los hoteles “low-cost” de la llocalidá. A los sos padres denegáron-yos un sitiu nel albergue llocal, que tá ocupáu al completu y nun puede acoyer a estes persones. Asina, a les 8:15 de la mañana del pasáu 3 de Mayu, grupos pro derechos humanos como Amnistía Internacional, la Lliga francesa polos Derechos Humanos, y Educación ensin Fronteres, organizaron una protesta delantre de la Escuela Primaria Claudine Fabrici de la llocalidá de Rubelles, de 1.900 habitantes. Unes 50 persones, ente les que taben los padres de los neños chechenos, aconceyaron nel actu y protestaron poles ridícules afirmaciones de que nun hai espaciu p’acoyer a los 21 neños chechenos e ingushetios. Los manifestantes calificaron los fechos de “discriminación manifiesta”.

Estes families solicitantes d’asilu ficieron tolo que se-yos pidió pa poder mandar a los sos neños a la escuela, pero l’Ayuntamientu negóse a da-yos un certificáu d’escolarización”, afirma Nicole Fautrel, de la Lliga francesa polos Derechos Humanos.

Los más mayores fuerona aceptaos n’escueles e institutos. De fechu nun habría ser problema pa los otros neños tampoco. Por embargu, l’accesu de los más neños a la escuela primaria tá bloqueáu. L’alcalde niégase a la so entrada nel colexu y siempre atopa nueves escuses. Primero, aludió a la falta de recursos, instalaciones y perres. Hubiera intercambios ente l’Ayuntamientu y la Dirección Nacional d’Educación. La situación cambió una migayina en Xineru, cuando dos profesores especiales fueron unviaos dos vegaes per selmana, lo que nun yéra suficiente. Dempués escusóse na barrera idiomática. ¿Cual sedrá la escusa la prósima vegada”, llaméntase Margot Cimic, d’Amnistía Internacional.

El vicealcalde de la llocalidá, Michel Dreano, describe la situación como un problema de presupuestu. “Nun podemos facenos cargos de tantos neños de fala non-francesa. Namás tenemos 8 aules pa unos 210 estudiantes. Nun podemos da-yos sitiu a otros estudiantes, y amás ellos necesiten clases CLIN (un cursu introductoriu pa estudiantes non francófonos)” afirma, faciendo alusión a la falta de personal cualificáu pa manexar la situación.

Por embargu, una inspectora de l’Academía de Seine-et-Marne, Patricia Galeazzi, afirma que esi argumentu ye falsu dafechu. “Hai suficientes places llibres nes escueles de Rubelles. Estos 21 neños nun van tar toos na mesma clase, y pueden distribuise nel xardín d’infancia y otres aules. Asina que nun debería haber problema pa encontra-yos sitiu”, asegura esta inspectora, que desixe a los directores que cumplan coles sos obligaciones.

Una de les mayestres de la escuela tamién afirma que les escuses nun tienen sentíu. Sigún ella, ye del too absurdo porque “los neños d’estes edaes deprenden idiomes mui fácil”, y diz que los neños habríen tar na escuela y non nos pasillos d’un hotel baratu.

Nun mencionemos tovía’l derechu universal a la educación, pero hai que resaltar que yá nel sieglu XIX Francia afitó’l primer sistema d’educación pública, gratuita y obligatoria. Nesti sen, les autoridaes franceses son responsables, en cumplimientu de les sos propies lleis, de que los neños de les families chechenes e ingushes solicitantes d’asilu seyan almitíos nes escueles.

Advertisements

Actions

Information

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s




%d bloggers like this: