AMENAZÁU DE DEPORTACIÓN UN CHECHENU RESIDENTE EN CROACIA

2 01 2012

Nadezhda Banchik, chechencenter.info

Aslan Kagermanov tién asilu n’Austria. Por embargu, al viaxar a Croacia por motivos personales foi arrestáu nesi país y lleváu a unes dependencies nes que tán recluíes persones a la espera de ser deportaes. Antiguu combatiente pola independencia, marchó de Chechenia en 2005. Por embargu, les autoridaes ruses espidieron una orden internacional de detención contra Aslan, baxo l’acusación de matar supuestamente a un axente de policía. De fechu, durante la guerra, mátense policíes y militares de continuo. La guerra ye la guerra. Los soldaos rusos, con bombardeos aéreos, fueu d’artillería y tou tipu d’armes modernes, mataron a munchos más chechenos que los enemigos rusos que mataron los combatientes chechenos. Poro, esti tipu d’órdenes d’arrestu son inxustes n’esencia.

Amás, lo que-y espera a esti probe chechenu en casu de ser deportáu a Rusia ye una tortura inimaxinable, llargos años d’encarcelamientu en condiciones asemeyaes a los campos de concentración de Hitler y, posiblemente, la muerte baxo custodia. Y esto ye porque los chechenos en Rusian reciben un tratu horriblemente discriminatoriu. A aquellos chechenos que llucharon na guerra se-yos etiqueta como delincuentes, y non como prisioneros de guerra.

La mi asunción del casu tá basada en numberosos informes de distintes organizaciones de defensa de los derechos humanos, como Amnestía Internacional, sobre la grave discriminación que sufren en Rusia les persones d’orixen chechenu. Este persones vénse prácticamente privales del so derechu a un xuiciu xustu, a una defensa llegal y a un tratamientu decente. Tolo contrario, son oxetu de vengances estraxudiciales e illegales al traviés de casos penales prefabricaos, tortures y asesinatos. Svetlana Gannushkina, miembru del Conseyu Presidencial polos Derechos Humanos y la Sociedá Civil, de la Federación rusa, pón de relieve nos sos pormenorizaos informes, fechos en collaboración cola conocía organización rusa polos derechos humanos Memorial, que los chechenos son discriminaos en Rusia de forma sistemática, sobre too nes instalaciones penitenciaries. Describe cientos de casos documentaos sobre estes descriminaciones contra persones d’orixen chechenu.

Reproducimos un trozu de la rueda de prensa que tuvo llugar el 20 d’ochobre en Moscú en rellación al casu Zubayraev. Son pallabres de Svetlana Gannushkina que muestren esactamente lo que Zubayrvev vién soportando en dellos campos de concentración y prisiones en Rusia (foi sentenciáu nun casu amañáu dafechu namás por participar en manifestaciones pacífiques en Chechenia contra la guerra y por acoyer a refuxaos en casa): “Zubayraev a dures penes puede movese con muletes, y cayó, lliteralmente, nuna destrucción mental y física. Tola parte izquierda de la so cara, dende la frente a la barbilla, convirtióse nun hematoma enorme y perdió casi tola sensibilidá por una parálisis del nerviu facial. Tién feríes nes manes como si-y arrancaren cachos de carne con unes pinces. Na so rodilla derecha tién una fería enllena de pus. Zubayraev cuntó-yos a los sos abogaos que ésta fería-y la ficieron con un destornillador. Tién signos evidentes d’una conmoción cerebral aguda”. Recibe amenaces constantes de que si sigue falando con abogaos y activistes polos derechos humanos nun va salir vivu de prisión, anque la so condena acaba l’añu que vién.

El de Murad Gasaev ye otru horrible exemplu. Salió absueltu por un tribunal porque durante’l so xuiciu quedó demostrao que’l so nome díxolu arbitrariamente otru prisioneru que taba siendo oxetu de durísimes tortures, y que dempués retractóse del so propiu testimoniu. L’absolución dáse en contaes ocasiones pa los chechenos. Nesi casu, diplomáticos españoles siguieron el casu. Por embargu, cuando desapaeció esti seguimientu, miembros de les “fuercies de seguridá” intentaron montar otru casu penal contra Gasaev. Gracies a la intervención d’activistes polos derechos humanos, Gasaev quedó finalmente tranquilu. Probablemente vuelva a abandonar Rusia. Ye afortunáu. Pero otros chechenos nun son tan afortunaos.

Tá’l casu tamién de Zaurbeck Talkhigov, un chechenu que vivía en Moscú. Ye un pequeñu empresariu que nun tuvo nada que ver cola guerra. Durante l’asaltu del Teatru Dubrovka de Moscú, n’ochobre de 2002, Aslanbek Aslakhanov, miembru de la Duma estatal, fizo un llamamientu a la diáspora chechena a acudir al teatru e intentar convencer a los sos compatriotes pa que dexaren llibres a los rehenes. Talkhigov acudió al llamamientu d’Aslankhanov, y ésti dio-y el númberu de teléfonu del xefe de los asaltantes, Barayev. Talkhigov llamó baxo la supervisión d’oficiales del FSB, e intentó convencer a Barayev pa que ésti dexare marchar a los rehenes. Xusto dempués de la llamada, Talkhigov foi arrestáu baxo l’acusación d’ayudar a los terroristes.

Foi condenáu a 8 años d’encarcelamimentu. Na prisión de la ciudá de Syktyvkar (República de Komi, Federación rusa) recibía golpes a diario. Amás, durante’l repartu de comida por funcionarios de la prisión, intentaron da-y una cuchara proviniente d’un barracón onde taben encerraos prisioneros con tuberculosis y otres enfermedaes contaxoses. En Xunu de 2006 púnxose malu y diagnosticáron-y Hepatitis C. Se-y negó la ciruxía necesaria.

Éstos son namás unos pocos exemplos de los varios centenares de “casos penales chechenos” y execuciones estraxudiciales documentaos. Estos exemplos muestren la sistemática persecución de tolos chechenos sospechosos de participar na guerra. Estos antecedentes prueben que esiste una alta probabilidá de que Aslan Kagermanov tenga un destín asemeyáu, y muestren l’amenaza directa a la vida y la seguridá de Kagermanov en casu de que sea forzáu a volver a Chechenia.

Faigo un llamamientu a los llectores que puedan ayudame a salvar la vida d’otra persona que pertenez a una nación que malpenes llega al millón de persones. Por favor, escribíi emails o mandái faxes al presidente de Croacia y al Ministru del Interior. Espero que esto valga pa salvar la vida d’Aslan Kagermanov.

Advertisements

Actions

Information

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s




%d bloggers like this: